Il cumün in silenzi

Il cumün in silenzi
uossa taidla sömgiand,
las anticas tarablas
cha l’aual vain quintand,
cha l’aual vain quintand.

Minchatant il guitader
sa chanzun fa d’udir,
e’l passà, in silenzi
darcheu tuot tuorn’a gnir,
darcheu tuot tuorn’a gnir

Eir las uras chi battan
sül clucher pac davent
ün pa tremblan in l’ajer
e svaneschan cul vent,
e svaneschan cul vent.

Be eternas splenduran
sü casü stailas d’or…
che mâ hasch tü da batter
uschè ferm, o meis cour?
Uschè ferm, o meis cour?